E konekshon entre demanda i oferta

Kòrsou Connect ta un plataforma nobo i úniko ku ta konektá dunadónan di trabou i esnan ku ta buska trabou, ku otro. Fuera ku e ta prove’é den un nesesidat direkto, Kòrsou Connect tin tambe probechonan grandi pa Kòrsou. 

E medio prinsipal di Kòrsou Connect ta un “smartphone app”. Dunadónan di trabou por pone den e app aki eksigenshanan pa trabou i esnan ku ta buska trabou por hasi un eskoho for di lokual ta keda ofrese na e momentunan ei.

Di tal forma por yega fásil na un “match”. Importante ta ku na mes momentu tur asuntunan finansiero nesesario manera impuesto i seguronan por keda reglá ku un “click”. Esaki ta un servisio speshal di Kòrsou Connect pa tur dos partido.

E oferta di Kòrsou Connect ta hopi diversifiká. Fuera di trabou den konstrukshon òf tereno tékniko, e app ta konsistí tambe di hopi enkargo òf petishon pa trabounan rondó di kas òf di kuido pa mucha i miembronan di famia. Kòrsou Connect ta nobo na Kòrsou, e plataforma ta prove’é den un nesesidat evidente i tá úniko pa Kòrsou i region.

Si bo ta un dunadó di trabou, óf si bo ta buska trabou, òf si bo ta enbolbí di un manera òf otro na oportunidat pa trabou na Kòrsou? Awèl den e Notisiero pa Trabou aki bo por haña tur informashon nesesario tokante e konsepto úniko i
nobo aki.